Balsam per l'olma turitgaisa - il FCZ gudogna la Cuppa svizra

Cun 1:0 suenter 94' gudogna il FCZ la Cuppa svizra en il stadion Letzigrund encunter Lugano.

Era sch'ils giasts tessinais avevan en las emprimas 45 minutas pli bleras ed anc meglras schanzas esa reuschì ad il FCZ dad ir en avantatg en la 41avla minuta e da mantegnair quel avantag enfin la fin.

Per l'olma turitgaisa è la victoria da la Cuppa svizra balsam suenter il drama da la relegaziun. IL FCZ gudogna cun questa victoria la 9avla Cuppa svizra en l'istorgia dal club.

Sco victur da la Cuppa svizra dat Turitg en la stagiun che vegn en l'Europa League, quai malgrà ch'il club è vegnì relegà en la Challenge League.

RR Sportissimo 17:00+