Siglir tar il cuntegn

Header

cuntegn

Naziunal/Internaziunal Barça dumogna la vieuta en las ultimas minutas

Grazia a 2 gols aifer las ultimas minutas ha Barcelona tuttina anc gudagnà ses emprims 3 puncts en il segund gieu da gruppa da la Champions League. Ils Catalans han battì Leverkusen cun 2:1.

Fin en l’80avla minuta era Barcelona numnadamain anc en retard cun 0:1. Aifer 92 secundas ha l’emprim Sergi Roberto e silsuenter Suarez laschà crescher las speranzas per ils Spagnols.

Ina surpraisa ha dà en il segund gieu da la gruppa E. BATE Borissoff ha gudagnà a chasa cunter l'AS Roma cun 3:2. Cunquai sa chattan ils Talians suenter 2 onns ed in punct a la cua da la tabella.

Bayern cun gala cunter Zagreb

En la gruppa F ha Bayern München battì senza problems Dinamo Zagreb cun 5:0. Arsenal ha pers cunter Olympiakos Piräus cun 2:3.

Maccabi resta senza puncts

En la gruppa G ha Chelsea incassà ina terrada da 1:2 cunter FC Porto. Maccabi Tel Aviv ha pers cunter Dynamo Kiew cun 0:2. Cunquai resta il club ch’ha eliminà Basilea senza puncts.

Ed ha la gruppa Ha Zenit St. Petersburg ha gudagnà cunter KAA Gent cun 2:1 e Lyon ha pers cunter l'FC Valencia cun 0:1.

RR novitads 06:00

Artitgels legids il pli savens