Siglir tar il cuntegn

Header

video
Vaduz returna en la Super League
Or da Sport-Clip dals 10.08.2020.
laschar ir
cuntegn

Barrascha Vaduz enavos en la Super League

Il club dal Prinzipadi da Liechtenstein ha gudagnà la barrascha cunter il FC Thun, lez vegn relegà suenter 10 onns SL.

Suenter la victoria da 2:0 a chasa ha Vaduz pers a Thun cun 3:4. Per sa qualifitgar per la Super League hai dentant bastà. Cun il score total da 5:4 è il club dal Prinzipadi da Liechtenstein suenter trais onns puspè en la pli auta liga da ballape svizra. Vaduz ha sajettà l'emprim gol en il gieu a Thun. Entras in autogol da Basil Stillhart (Vaduz) en in spert 2:1 entras Bertone ha Thun dentant mantegnì la speranza. En la 51avla e 69avla minuta ha Vaduz lura danovamain pudì ir en avantatg cun 3:2. Ils dus ultims gols da Thun èn vegnids memia tard.

Suenter 10 onns en la Super League sto Thun enavos en la Challenge League.

RTR novitads 23:00

Artitgels legids il pli savens

Scrollar a sanestra Scrollar a dretga