Manchester City dominescha questa stagiun il campiunadi en l’Engalterra. Da 27 gieus ha la squadra sulettamain pers in. Uschia ha l’equipa cun giugaders sco Kevin De Bruyne, Sergio Agüero u David Silva 16 puncts avantatg sin il segund.
Era en la fasa da gruppa da la Champions League l'atun passà han ils Cityzens persvadì. Els èn daventads a moda suverana emprims da lur gruppa.
Per il FC Basilea è il duel cunter Manchester City dad ina vart in duel da siemi, da tschella vart quasi ina mission impossible. Per ils Englais è Basilea mo ina staziun intermediara. La finamira è da gudagnar la Champions League.
Per il FCB èsi in ulteriur punct culminant en l'istorgia dal club. I fiss dentant ina sensaziun, sche Basilea vegniss da bittar ora Manchester City ord l'otgavelfinal la Champions League.
RR actualitad 17:00