Basilea danovamain cunter Maccabi Tel Aviv

Sco avant 2 onns frunta il FC Basilea era quest onn sin il club israelian en ils playoffs da la Champions League.

Giugaders dal FC Basilea sa legran suenter in gol cunter Maccabi Tel Aviv il favrer 2014. Bild in Lightbox öffnen.

Legenda da maletgs: Avant 2 onns han ils giugaders dal FC Basilea pudì giubilar tar omadus gieus cunter Maccabi Tel Aviv. Keystone

Cunter ils Israelians aveva il FCB giugà la stagiun 2013/14 gist 2 giadas ed è vegnì vinavant domaduas giadas. L'emprim en la terza runda da qualificaziun per la Champions League, e pli tard en ils 16avels finals da l'Europa League.

Il prim gieu è u ils 18 u ils 19 d'avust a Basilea, il segund in'emna pli tard en l'Israel. Il victur sa qualifitgescha per la fasa da gruppa da la Champions League.

Thun cunter Prag

En la quarta ed ultima runda da qualificaziun per l'Europa League frunta l'FC Thun sin il represchentant da la Tschechia, Sparta Prag. L'emprim gieu dat Thun a chasa, la gievgia ils 20 d'avust 2015. - Suenter che YB è crudà ord la qualificaziun per la Champions League frunta il club bernais ussa sin in adversari ord l'Aserbaidschan, Karabach Agdam. Era YB dat l'emprim gieu a chasa.

RR novitads 14:00