Basilea en ils otgavelfinals da la Champions League

Benfica Lissabon ha bain fatg durant lungas fasas dal gieu bler pressiun, ils gols ha dentant il FCB marcà. Suenter 5 minutas sajetta Elyounoussi il 1:0, e suenter 65 minutas fa Oberlin il gol decisiv al 2:0.

Persunas che giubileschan Bild in Lightbox öffnen.

Legenda da maletgs: Suenter la qualificaziun hai num sa legrar per ils giugaders dal FCB. Keystone

Plirs giugaders da ballape observan la balla che va en il gol Avrir maletg en lightbox.

Legenda da maletgs: Mohamed Elyounoussi cun il numer 24 marca il 1:0 per Basilea. Keystone

Il FC Basilea fa uschia per la terza giada en l'istorgia dal club il pass en ils otgavelfinals da la Champions League. Cun la victoria da 2:0 cunter Benfica han ils da Basilea defendì la plazza dus en la tabella. A ZSKA Moscau percunter n'èsi betg gartegià da far in exploit cunter Manchester United, ils Russ perdan cun 1:2.

A Lissabon ha tut funcziunà en favur dal FCB. Mohamed Elyounoussi ha sajettà ils giasts gia en la 5avla minuta cun il chau en avantatg, sin ina flanca da Michael Lang. E Dimitri Oberlin ha fatg il 2:0 medemamain cun il chau en la 65avla minuta, suenter in culp liber da Dario Zuffi.

Era dus clubs talians qualifitgads

Dasper il FC Basilea e Manchester United, èn era anc sa qualifitgads questa saira dus clubs talians per la fasa da k.o. da la Champions League. Juventus Turin gudogna cun 2:0 cunter Olympiakos Piräus, e la AS Roma battan a chasa Karabach cun 1:0. Tratg la sort tgi che frunta sin tgi en ils otgavelfinals, vegn glindesdi che vegn.

RR Novitads 23:00