Siglir tar il cuntegn

Header

Purtret da Pep Guardiola, trenader dal FC Bayern München.
Legenda: Pep Guardiola, trenader FC Bayern München. Keystone
cuntegn

Naziunal/Internaziunal Bayern avant in pensum da Hercules

Bayern München va cun ina ipoteca da 0:3 en il segund gieu da mezfinal da la Champions League encunter il FC Barcelona. Pauc pleda per il campiun tudestg ch’ha pers ils davos quatter gieus e sajettà en las davosas 390 minutas be in gol.

Plinavant ha il FC Bayern München vinavant ina lunga glista cun giugaders blessads. Da l’equipa da Pep Guardiola ston tranter auter Arjen Robben, Franck Ribéry, David Alaba, Holger Badstubere Sebastian Rode persequitar il gieu cunter Barcelona davent da la tribuna.

La speranza resta

Speranza dat a Bayern München ils dus davos gieus da chasa en la Champions League. Donezk e Porto èn vegnids declassada cun 7:0 respectiv 6:1. Er questa saira ston ils da Bayern sajettar almain trais gols en il temp regular da 90 minutas per insumma avair ina schanza da cuntanscher il final da la Champions League. L’adversari n’èn dentant betg Donezk u Porto, mabain Barcelona ch’è ina grondiusa furma e sin buna via da vegnir campiun spagnol.

Focus sin la defensiva

Il trenader da Bayern München Pep Guardiola emprova da restar optimistics. El manegia ch'i vali la paina da metter il focus sin la defensiva, era sche ses Bayern München sto gudagnar e quai cler. La devisa è da betg ir en il cuntè a Barcelona. Pertge nagin sa meglier che Guardiola, tge che schabegia sch'ins lai memia bleras libertads en l’attatga da Barcelona cun ils superstars Lionel Messi, Neymar u Luis Suárez.

Artitgels legids il pli savens

Scrollar a sanestra Scrollar a dretga