Siglir tar il cuntegn

Header

cuntegn

Beachvolley Svizras daventan quartas al campiunadi europeic

Cun 21:13, 15:21 e 19:21 perda il duo svizzer enturn Anouk Vergé-Dépré ed Joana Heidrich il gieu per plaz trais al campiunadi europeic da beachvolley en la Russia. Quai malgrà quatter ballas da match en il terz set.

Vergé-Dépré e Heidrich han bain stuì magunar ina pitschna frida en il set decisiv. Quai suenter che Vergé-Dépré era vegnida tutgada dad ina balla en il chau e ha stuì pussar durant pliras minutas.

Pers mezfinal suenter avair gudagnà emprim set

Il duo svizzer aveva manchenta oz suentermezdi il final dal campiunadi europeic. En il mezfinal ha il duo Svizzer pers cunter Wojtasik/Kociolek da la Pologna en trais sets cun 21:18, 18:21 e 8:15.

Bain han las Svizras ch'avevan cuntanschì surprendentamain il mezfinal gudagnà il prim set cun 21:18. Silsuenter è il duo da la Pologna dentant adina vegnì pli ferm. En consequenza han las Svizras pers il segund set cun 18:21 ed il set decisiv cun 8:15.

RR novitads 12:00+