Siglir tar il cuntegn

Header

Navigaziun

Nico Beeler (sanester) e Marco Krattiger (maletg d'archiv).
Legenda: Il giuven Nico Beeler da Jona (sanester) ed il giuven Marco Krattiger dad Amriswil (maletg d'archiv) gudognan il turner ad Edmonton. Keystone
cuntegn

Beachvolleyball Victoria per Beeler/Krattiger ad Edmonton

Ils beach-volleyballers svizzers Nico Beeler e Marco Krattiger gudognan il turnier ad Edmonton en il Canada. Per l'emprima giada an ils dus Svizzers cuntanschì il final d'in turnier da la World Tour e gist datti ina victoria. Cunter ils numers in dal turnier, ils Canadais Grant O'Gorman e Ben Saxton, gudognan Nico Beeler e Marco Krattiger en trais sets cun 21:15, 23:25 e 15:8.

Per mai va cun questa medaglia da la World Tour in siemi d'uffanza en vigur. Jau na vegn segir betg a trair or ella en las proximas 24 uras.
Autur: Marco Krattiger

Beeler/Krattiger gudognan uschia ina premia da 10'000 Dolars oravant tut conquistan els uschia impurtants puncts en la qualificaziun per ils gieus olimpics 2020 a Tokio.

13 onns suenter Heuscher/Kobel

La victoria da Beeler/Krattiger è l'emprima victoria d'in duo da la Svizra d'in turnier da la World Tour dapi Patrick Heuscher e Stefan Kobel il 2006.

RR novitads 09:00