Siglir tar il cuntegn

Header

Beat Feuz all'arrivada da la cursa rapida da Chamonix - el è vegnì terz
Legenda: Beat Feuz sa legra da ses terz plaz Keystone
cuntegn

Naziunal/Internaziunal Beat Feuz danovamain sin il podest

Il Bernais ha laschà glischnar ils skis en la cursa rapida da Chamonix ed è vegnì terz. Gudagnà la cursa ha il talian Dominik Paris avant l'American Steven Nyman.

Beat Feuz ha gì in retard da 0,39 secundas sin il victur. Per vegnir segund han mancà sulettamain 4 tschientavels.

Segund meglier Svizzer a Chamonix è Ralph Weber sin posiziun 18. Er il Turitgais Niels Hintermann po esser cuntent - il giuven da 20 onns è vegnì 21avel. Quai è ses meglier resultat en la cuppa mundiala. El ha er dumagnà il Grischun Carlo Janka. Lez n'ha betg mussà ina buna cursa ed è vegnì 23avel, gist suenter il Norvegiais Kjetil Jansrud che n'è er betg cuntent cun ses resultat.

Per Dominik Paris è quai la tschintgavla victoria en la cuppa mundiala. Quatter giadas ha el gudagnà ina cursa rapida ed ina giada in Super-G.

RR novitads 14:00