Siglir tar il cuntegn

Header

Navigaziun

cuntegn

Naziunal/Internaziunal Beat Feuz daventa segund a Kvitfjell

Dominik Paris gudogna la cursa rapida avant Beat Feuz e Matthias Mayer. La decisiun per la pitschna culla da cristal è uschia anc averta.

La cursa da Beat Feuz

Il podest

  • Dominik Paris (ITA) 1:45.74
  • Beat Feuz (CH) + 0.25
  • Matthias Mayer (AUT) +0.37

La decisiun davart tgi che gudogna il classament general en la cursa rapida, è spustada. Beat Feuz ha bain mussà la sonda a Kvitfjell en la Norvegia ina ferma prestaziun, ses pli grond concurrent Dominik Paris è dentant stà anc pli svelt. Feuz maina uss il classament general anc cun 80 puncts avantatg sin il Talian. Decidì vegn il duel per il classament general da la cursa rapida tranter Feuz e Paris lura ils 13 da mars en l'ultima cursa rapida da questa stagiun a Soldeu en l'Andorra.

Ils ulteriurs Svizzers

  • 4. Mauro Caviezel
  • 14. Gilles Roudin
  • 21. Carlo Janka
  • 25. Urs Kryenbühl
  • 29. Niels Hintermann
  • 31. Lars Rösti

Ina fitg buna prestaziun ha er il Grischun Mauro Caviezel mussà. Il quart plaz è per el ses segund meglier resultat en ina cursa rapida da la cuppa mundiala. Sin il terz plaz han muncà ad el 25 tschientavels secunda.

La cursa da Mauro Caviezel

RR novitads 12:00