Siglir tar il cuntegn

Header

cuntegn

Naziunal/Internaziunal Beat Feuz gudogna sin la «Kandahar»

Il skiunz svizzer è pront per ils gieus olimpics en la Corea dal Sid. Suenter Sia victoria al Lauberhorn e ses segund plaz a Kitzbühel è quai gia ses terz podest en la cursa rapida quest mais.

Il podest

  • 1. Beat Feuz 1:55,39
  • 2. Vincent Kriechmayr (AUT) + 0,18
  • 2. Dominik Paris (It) + 0,18

Vincent Kriechmayr e Dominik Paris, ch'èn stads medem sperts, eran en la part sura pli sperts che Feuz. Cunzunt en l'ultim sectur ha Beat Feuz fatg la differenza e realisà in temp che nagin da ses concurrent n'ha pudì batter.

audio
Beat Feuz gudogna sin la «Kandahar»
ord Sportissimo dals 27.01.2018.
laschar ir. Durada: 2 minutas 3 Secundas.

Ils ulteriurs Svizzers

  • 17. Mauro Caviezel + 1,25
  • 23. Urs Kryenbühl + 1,64
  • 25. Gian Luca Barandun + 1,81
  • 30. Gilles Roulin + 1,92

Seria da Feuz

Suenter duas victorias ed in ulteriur plaz da podest en las davosas trais cursas po Feuz sgular cun in bun sentiment als gieus olimpics d'enviern en la Corea dal Sid.

Per Feuz èsi stà la 10avla victoria da sia carriera. Grazia a sia terza victoria en la cursa rapida da questa staziun surpiglia il Svizzer er la testa dal classament en questa disciplina. Quai dal Norvegiais Aksel Lund Svindal ch'ha terminà la cursa rapida a Garmisch sco quart.

RR novitads 14:00

Artitgels legids il pli savens