Siglir tar il cuntegn

Header

cuntegn

Naziunal/Internaziunal Belfast beneventa la naziunala svizra

L'emprim duel da barrage encunter l'Irlanda dal Nord dat la naziunala svizra da ballape a Belfast, la citad principala da l'Irlanda dal Nord cun radund 300'000 abitants. Il gieu è en il Windsor Park, il stadion da chasa da la naziunala ed dal Club da ballape Linfield ch'ha plaz per bun 20'000 fans.

audio
Mezdi: L'atmosfera da la squadra svizra avant il gieu a Belfast
ord Actualitad dals 08.11.2017.
laschar ir. Durada: 4 minutas 29 Secundas.

Tgi ch'arriva per l'emprima giada a Belfast è savens surstà. Igl è ina citad moderna, averta cun in'impurtanta scena da cultura e divertiment. Dapertut èn era da chattar «pubs», las bars tipicas irlandaisas, là nua che la glieud sa divertescha e fa festa. Ils bajetgs destruids durant il conflict da l'Irlanda dal Nord (1969-1998) èn vegnids renovads e construids da nov.

Tuttina datti anc oz las duas gruppas da catolics e protestants ch'han lur atgna identificaziun, saja quai en la vita sociala, politica u economa. I dat schizunt anc oz quartiers a Belfast nua che las duas confessiuns èn separadas cun mirs u saivs.

Quai che collia las duas gruppas è il ballape, oravant tut cura che la naziunala da l'Irlanda dal Nord è en acziun.

La citad da Belfast è innovativa cun centers moderns da cumpra, museums, euv. Belfast è era la tgina da la RMS Titanic, il bastiment da passagiers ch'è vegnì construì qua avant passa 100 onns e valeva lura sco il pli grond bastiment dal mund. La citad principala da l'Irlanda dal Nord concurrenzescha en emprima lingia cun Glasgow en Scozia u Manchester en l'Engalterra.

RR actualitad 12:00

Artitgels legids il pli savens