Belinda Bencic è en il final dal turnier a Taipeh. La Svizra orientala ha gudagnà il mezfinal svizzer cunter Viktorija Golubic suenter 80 minutas en dus sets (6:2 / 6:4).
En il final da la dumengia frunta Belinda Bencic (WTA 120) sin Arantxa Rus dals Pajais Bass (WTA 167). Lezza ha gudagnà ses mezfinal cunter Naomi Broady da la Gronda Britannia en trais sets.
Victoria fullass via per l'Australian Open
Per Bencic fiss la victoria al turnier in pass vers ils Australian Open. Cun gudagnar vegniss ella puspè tranter ils top 100, quai che muntass il pli probabel la participaziun al prim turnier da Grand Slam da la stagiun che vegn.
RR novitads 11:00