Siglir tar il cuntegn

Header

cuntegn

Naziunal/Internaziunal Benaglio e Rodriguez treneschan puspè a Bogn Ragaz

Gia per la quarta giada trenescha il VfL Wolfsburg a Bogn Ragaz. Da la partida èn era ils svizzers Diego Benaglio e Ricardo Rodriguez. L’equipa tudestga è arrivada mardis, ils 20 da fanadur a Ragaz e trenescha là fin ils 28.

Ils trenaments dal VfL Wolfsburg èn publics. Per ordinari trenescha l’equipa dal trenader Dieter Hecking avantmezdi a las 10:00 uras e suentermezdi a las 16:00 uras. A l’emprim trenament public èn ils da Wolfsburg vegnì beneventads d'ina gruppa da sunatibas. Per ils fans da lunsch e da manaivel èn vegnidas construidas aposta duas tribunas provisoricas cun bun 200 plazs. Era in stan da bavrondas e mangiativas ed il stan obligatori cun artitgels per ils fans na mancan betg.

L'quipa dal VfL Wolfsburg vegn beneventada cun tibas sin il plaz da ballape a Bogn Ragaz.
Legenda: Cun tibas han ils da Bogn Ragaz beneventa l'equipa dal VfL Wolfsburg. RTR, Roger Alig

Wolfsburg vul far in pass enavant

Suenter onns da success cun il titel da campiun tudestg 2009 e la victoria en la cuppa tudestga 2015 ha Wolfsburg plitost trumpà la stagiun passada, almain en la Bundesliga. Wolfsburg ha stuì sa cuntentar cun l’otgavla plazza. Dapli success ha il club ch’appartegn a VW gì en la Champions League. Là ha Wolfsburg cuntanschì il quartfinal. Sco suletta equipa ha il VfL battì Real Madrid, l’equipa che ha gudagnà la Champions League.

audio
Impressiuns live dal trenament public dal VfL Wolfsburg a Bogn Ragaz
ord RTR Audio dals 21.07.2016.
laschar ir. Durada: 4 minutas 54 Secundas.

Per ils proxims onns ha il VfL Wolfsburg grondas ambiziuns. Sco il schef da sport Klaus Allofs ha ditg al Radio Rumantsch vegli Wolfsburg s’etablir ils proxims onns tranter las quatter meglras equipas da la Germania ed uschia dar regularmain en la Champions League.

RR accumpagnament 10:00

Artitgels legids il pli savens