Legenda:
Dus sets e 100 minutas ha Belinda Bencic duvrà per cuntanscher l’otgavel final.
Keystone
cuntegn
Naziunal/Internaziunal - Bencic batta Wozniacki senza problems
La giugadra da tennis svizra Belinda Bencic ha gudagnà cunter il numer 5 dal mund la danaisa Caroline Wozniacki. Cun la victoria da 6:4 e 6:4 ha la giuvna da 18 onns cuntanschì l'otgavel final dal turnier ad Indian Wells.
Suenter 100 minutas era la partida decidida. Cun quai ha Bencic gudagnà il segund duel cunter la danaisa Wozniacki. Mo l’effizienza è stada in punct flaivel tar Bencic. En il segund set n’ha la Svizra betg nizzegià duas schanzas per in break, pir tar il stan da 4:4 ha ella fatg il break.
Adversaria da Belinda Bencic en l'otgavel final è la serba Jelena Jankovic il numer 21 dal mund.
