Siglir tar il cuntegn

Naziunal/Internaziunal Bencic e Federer gudognan il Hopman Cup

Belinda Bencic e Roger Federer han gudagnà il matsch mix dubel decisiv dal Hopman Cup cunter la Germania cun 4:3 e 4:2.

Belinda Bencic e Roger Federer.
Legenda: Belinda Bencic e Roger Federer. Keystone

Il duo svizzer Roger Federer e Belinda Bencic han gudagnà il Hopppmann Cup. En il final a Perth en l'Australia han els battì ils Tudestgs Alexander Zverev ed Angelique Kerber cun 2:1. En ils gieus singuls aveva Federer battì Zverev en 3 sets (6:7, 6:0, 6:2), entant che Bencic aveva pers cunter Kerber en 2 sets (4:6, 1:6). Perquai ha il dubel stuì decider e quel han ils Svizzers gudagnà en 2 sets cun 4:3 e 4:2.

Igl è la terza giada en l'istorgia che la Svizra gudogna il Hopman Cup. L'emprima giada è quai stà il 1992 cun Jakob Hlasek e Manuela Maleeva. La segunda giada il 2001 cun Roger Federer e Martina Hingis e quest onn cun Federer e Bencic.

RR novitads 14:00