Siglir tar il cuntegn

Header

Navigaziun

Purtret da Belinda Bencic che bitscha il buccal da Dubai.
Legenda: Suenter sia victoria a Dubai ha Belinda Bencic fatg bun passa 20 plazzas en la rangaziun mundiala. Keystone
cuntegn

Naziunal/Internaziunal Bencic fa grond sigl en la ragaziun mundiala

Passa 20 plazzas ha Belinda Bencic fatg bun en la rangaziun mundiala dal tennis. Ella è ussa sin plazza 23. Quai grazia a sia victoria al turnier da tennis a Dubai.

Uschè bain plazzada n’è la Svizra betg pli stada dapi il 2016. Pervi da blessuras era Bencic temporarmain crudada enavos sin il plazza 318. En il classament annual è Bencic perfin sin plazza 4. Be sia concurrenta en il final da Dubai, Petra Kvitova, il numer in dal mund, Naomi Osaka e Karolina Pliskova han fatg il 2019 dapli puncts che Bencic.

Er in grond sigl ha fatg Ylena In-Albon. La Vallesana da 19 onns ha fatg bun 58 plazzas grazia a sia victoria al ITF turnier da Kyoto. Da nov è ella sin plazza 183.

RR novitads 11:00