Naziunal/Internaziunal - Bencic perda il final a Son Petersburg
La giugadra da tennis svizra Belinda Bencic ha manchentà sia terza victoria da turnier da la tura da WTA. Ella ha pers cunter la Taliana Roberta Vinci (WTA 16) cun 4:6 e 3:6.
La giuvna da 18 onns da Wollerau manchenta er la schanza da daventar il numer 7 dal mund.
audio
Sportissimo: Tennis - Belinda Bencic perda en Russia
00:46 min, ord Sportissimo dals 14.02.2016.
laschar ir. Durada: 46 Secundas.
Dentant vegn ella - grazia a ses avanzament en il final - ad esser glindesdi dal ranking dal WTA il numer 9 dal mund. Uschia sa chatta Bencic per l'emprima giada tranter ils top ten.