Il biatlet svizzer, Benjamin Weger, è vegnì 10avel en il sprint dals campiunadis mundials ad Östersund en la Svezia. Malgrà ch'el ha sajettà duas giadas senza sbagls, n'ha el betg pudì sa particpar en il cumbat per medaglias. Il Vallesan ha uschia bunas cundiziuns da partenza en la cursa da persecuziun da dumengia.
Aur ha gudagnà il Norvegiais Johannes Thingnes Bø. Quai malgrà ch'el ha stuì far ina runda da chasti. La medaglia d'argent è ida al Russ Alexander Loginow e bronz al Franzos Quentin Fillon Maillet.
RR novitads 18:00