Siglir tar il cuntegn

Header

cuntegn

Biatlon a Le Gran Bornand Trumpada per Lena Häcki

In di suenter ses emprim plaz da podest hai dà ina trumpada per Lena Häcki a la cuppa mundiala da biatlon a Le Grand Bornan en la Frantscha. En la cursa da partenza da massa ha Häcki fatg set sbagls da sajettar ed è vegnida 28avla.

video
Trumpada per Lena Häcki
Or da Sport-Clip dals 22.12.2019.
laschar ir

Meglra Svizra è vegnida la Grischuna Aita Gasparin sco 24avla. Ella ha fatg mo in sbagl da sajettar, ha dentant pers bler temp sin la loipa. Sia sora Elisa Gasparin ha stuì dar si pervi d'ina grippa.

Gudagnà la cursa da partenza da massa da las dunnas ha Tiril Eckhoff da la Norvegia avant la Taliana Dorothea Wierer e Linn Persson da la Svezia. Per la Norvegiasa è quai stà la terza victoria en trais dis.

Tar ils umens gudogna puspè Bø

Johannes Thingnes Bø dominescha vinavant tar ils umens. A Le Grand Bornand ha il Norvegiais gudagnà l'emprima cursa da partenza da massa da questa stagiun avant il Franzos Emilien Jacquelin e ses frar Tarjei Bø. Per Johannes Thingnes Bø è quai gia la 5avla victoria da questa stagiun. En tut stat el en la cuppa mundiala per la 43avla giada sisum la glista.

Suenter las trumpadas en las cursas da persecuziun da la sonda n'èn nagins umens svizzers stads a la partenza.

RTR novitads 17:00

Artitgels legids il pli savens

Scrollar a sanestra Scrollar a dretga