Questa stagiun ha il quartet svizzer fatg trais giadas plaz 9 en las staffettas. Tar la cuppa mundiala ad Antholz resulta plaz 11, var 3 minutas e mez davos ils victurs da la Frantscha. Per la Svizra èn currids Sebastian Stalder, Jeremy Finello, Serafin Wiestner e Niklas Hartweg. Il meglier Svizzer Benjamin Weger è sa concentrà sin la cursa cun partenza da massa da la dumengia.
Ils Franzos han gudagnà la staffetta sur 4 giadas 7,5 kilometers cnap avant ils Norvegiais. Plaz 3 fan ils Russ.
Naginas Svizras a la partenza
Las biatletas han gì sin il program la cursa cun partenza da massa. Las Svizras avevan manchentà da sa qualifitgar. Victura è daventada la Franzosa Julia Simon, avant la Svedaisa Hanna Öberg e l’Austriaca Lisa Theresa Hauser.
video
Las scenas impurtantas da la cursa da las dunnas
Or da Sport-Clip dals 23.01.2021.
laschar ir. Durada: 2 minutas 22 Secundas.