Siglir tar il cuntegn

Header

Video
Il 6avel sajettar è malgartegià ad Aita Gasparin.
Or da Sport-Clip dals 11.01.2020.
laschar ir
cuntegn

Biatlon ad Oberhof Staffetta da las dunnas buna 5avla

Elisa, Selina ed Aita Gasparin e la curridura finala Lena Häcki han era mussà la sonda – ch’ellas tutgan tar las meglras dal mund. Ellas vegnan sin plazza 5, davos la Norvegia, la Svezia, la Frantscha e la Germania.

Suenter la mesadad da la cursa ed ina perfetga prestaziun da sajettar da Selina Gasparin, eran las Svizras perfin a la testa da la cursa. Aita Gasparin sco terza curridura ha lura dentant stuì nudar quatter sbagls tar il sajettar en pe, quai ha muntà la suletta runda da chasti per las biatletas.

Madiras per vegnir sisum

Bain han las Svizras manchentà ad Oberhof il podest, suenter las plazzas 2 ad Östersund e 3 a Hochfilzen. Dentant era questa giada n'ha betg bler mancà – per che la staffetta svizra arrivia perfin sisum il podest.

Ils umens vegnan setavels

Il quartet dals biatlonists svizzers fan plazza 7 ad Oberhof, lur meglra prestaziun da la stagiun. Mario Dolder, Benjamin Weger, Serafin Wiestner e Jeremy Finello manchentan bain 19 giadas la mira, vegnan dentant d'evitar ina runda da chasti.

La victoria va a la Norvegia. E quai era sch'els han stuì desister da lur dus megliers curridurs, Johannes Tingnes Bö ch'è a chasa tar sia dunna en speranza ed il frar Tarjei Bö ch'è malsaun. Segunds daventan ils Franzos, sin plaz trais vegnan ils Tudestgs.

RTR Sportissimo 17:00