Naziunal/Internaziunal - Biatlon: Svizras egualiseschan lur meglra prestaziun
Las dunnas svizras da biatlon egualiseschan lur meglra prestaziun en la cuppa mundiala cun finir la staffetta da 4x6 kilometers a Canmore en il Canada sin plaz 5.
En tutta fradaglia ha il quartet cun Aita ed Elisa Gasparin, Susanna Meinen e Lena Häcki pers 1:43 minutas sin las Franzosas ch'han cuntanschì il terz plaz. Gudagnà la staffetta han las Tudestgas. Sin il segund plaz arrivan las Norvegiaisas.
Il quartet svizzer aveva gia dumagnà sin il 5avel plaz il december 2017 a Hochfilzen en l'Austria ed il mars 2018 ad Oslo.
