Da la cursa da persecuziun ad Oberhof en Germania è il Svizzer Benjamin Weger vegnì 7avel. Per il Vallesan da 28 onns èsi gia la 5avla giada en questa stagiun ch'el è vegnì sut ils emprims 10. Manchentà anc in meglier plaz ha el cun far 2 sbagls da sajettar giaschent.
Gudagnà ha il Franzos Martin Fourcade avant ils dus frars Johannes Thingnes e Tarjei Bø da la Norvegia. Per Fourcade è quai gia la 67avla victoria en la cuppa mundiala.
RR novitads 16:00