La victoria da Bienna cunter il defensur dal titel Frölunda è quasi ina sensaziun. Il campiun svedais dominescha dapi tschintg onns la Champions Hockey League, ha cuntanschì quatter giadas il final e gudagnà il 2016, 2017 e 2019 la concurrenza. Bienna han mussà ina fitg buna effizienza e cun Jonas Hiller in ferm goli.
Zug cun pari
Er l'EV Zug ha bunas schanzas da vegnir ina runda vinavant. En la Tschechia cunter Mountfield Hradec Kralove era Zug ditg sin via a la victoria suenter che Dario Simion ha sajettà l'emprim gol per il club svizzer. Pir en l'ultim terz ha Kralove pudì egualisar al 1:1.
Losanna perda a chasa
Cuntrari a Bienna e Zug ha Losanna pudì dar a chasa l'emprim gieu da quartfinal. Il terz represchentant svizzer ha dentant pers il gieu cunter Lulea cun 1:2.
RTR novitad 06:00