Siglir tar il cuntegn

Header

Navigaziun

cuntegn

Naziunal/Internaziunal Bienna gudogna era ordaifer

Ils giugaders da Bienna sa legran da lur gol
Legenda: Era ordaifer gudogna il EHC Bienna cunter Ambri-Piotta. Keystone
  • Genevra – Berna 2:3 suenter prolungaziun
  • Lugano – Zug 1:5
  • SCL Tigers – Losanna 0:3
  • Ambri-Piotta – Bienna 2:3

Bienna gudogna ordaifer cunter Ambri-Piotta cun 3:2. Quai malgrà che la squadra bernaisa era anc suenter 47 minutas en dischavantatg cun 1:2. Be 97 secundas suenter il 1:2 èn ils da Bienna dentant vegnir d'egualisar la partida entras Toni Rajala. Il gol decisiv ha alura sajettà Benjamin Hüggli duas minutas avant la fin. Suenter la 6avla victoria en seria cunter Ambri-Piotta maina Bienna en la seria cun 2:0.

Losanna po egualisar la seria

Losanna reagescha sin la terrada da chasa la sonda passada. Ils Vadais gudognan ordaifer cunter ils SCL Tigers cun 3:0. Gia suenter il segund terz manava Losanna cun trais gols differenza. Uschia ston ils Tigers vinavant spetgar sin l'emprima victoria da chasa en ils playoffs. Tar lur emprims playoffs il 2011 avevan els pers cunter Berna cun 0:4. Far quitads na ston ils Tigers dentant betg. Els èn stà durant la qualificaziun la terz meglra squadra sin glatsch ester.

Berna gudogna suenter prolungaziun

Il victur da la qualificaziun po curreger ses fauxpas en l'emprima partida. Ordaifer gudogna a Berna cunter Genevra cun 3:2 suenter prolungaziun. Ils Bernais han dentant stuì cumbatter fitg per la victoria. Bain manavan els suenter dus terzs entras gols da Mark Arcobello e Tristan Scherwey cun 2:0. Tuttina han els anc stuì laschar sajettar el davos terz dus gols. Uschia ha la prolungaziun stuì decider. Là ha Arcobello cun ses segund gol da la saira decidì la partida a favur dals Bernais.

Lugano perda era a chasa

Al finalist da l'onn passà smanatscha gia il out en il quartfinal. Ils Tessinais perdan a chasa cunter Zug cun 1:5. Quai malgrà che Lugano aveva gudagnà a chasa sis gieus en seria. Be suenter 35 minutas manava la squadra da Zug dentant gia cun 4:0. Il segund da la qualificaziun maina uschia en la seria gia cun 2:0.

Las proximas partidas han lieu questa gievgia.

Playoffs da hockey sin glatsch

Sonda, ils 9 da mars
Berna – Genevra Servette (0:2)
Bienna – Ambri Piotta (3:1)
Losanna – SCL Tigers (1:5)
Zug – Lugano (3:2)
Mardi, ils 12 da mars
Genevra Servette – Berna (2:3 s.p.)
Ambri Piotta – Bienna (2:3)
SCL Tigers – Losanna (0:3)
Lugano – Zug (1:5)
Gievgia, ils 14 da mars
Berna – Genevra Servette (2:3 s.p)
Bienna – Ambri Piotta (5:3)
Losanna – SCL Tigers (5:2)
Zug – Lugano (5:4)
Sonda, ils 16 da mars
Genevra – Berna (1:2)
Lugano – Zug (4:5 s.p.)
SCL Tigers – Losanna (1:2)
Ambri Piotta – Bienna (2:1)

RR novitads 23:00