Ils organisaturs dal Tour de Ski a Lai, tiran suenter la clusiun uffiziala dal quint ina bilantscha postivia da l'ocurrenza. Quai malgrà che las 3 etappas da quest onn n'han betg attratg tants aspectaturs. L'occurenza ha gì lieu sur la midada da l'onn a Lai.
Grazia a las contribuziuns da sustegn regiunalas e chantunalas, ils daners da la FIS e da sponsurs hajan ins pudì cuvrir las expensas da 1,2 milliuns francs. Quai han ils organisaturs communitgà la gievgia. La garanzia da deficit na saja perquai er tar la terza ediziun dal Tour de ski a Lai betg vegnida duvrada.
Entant viagian gia las preparativas per la proxima ediziun dal Tour de ski a Lai che ha lieu la fin d'emna dals 28 e 29 da december 2019.
RR novitads 10:00