Siglir tar il cuntegn

Naziunal/Internaziunal Blamascha per il FCZ

Il club da ballape da Turitg è la nova laterna cotschna da la Super League, quai suenter in debachel encunter Lugano. Igl FCZ ha pers il duel direct encunter ils Tessinais cun 0:4 e sa chatta ussa sut il stritg.

Giugaders dal FCZ.
Legenda: Perplexitad tar ils giugaders dal FCZ. Il club da Turitg ristga da vegnir relegà en la Challenge League. Keystone

Enstagl da sa distanziar dal plaz da relegaziun è l’equipa da Sami Hyypiä crudà anc pli fitg en la crisa. Ils gols per Lugano han sajettà duas giadas Alioski e duas giadas Bottani.

Vaduz batta Sion

Al FC Vaduz è gartegià da gudagnar 3 puncts impurtants en il cumbat cunter la relegaziun. A chasa ha Vaduz battì l'FC Sion cun 2:0. Omadus gols per Vaduz ha sajettà Armando Sadiku.

Sadiku ha schizunt anc gì ulteriuras schanzas da far gols. L'FC Sion perencunter ha trumpà suenter ch'el ha la fin d'emna anc battì YB cun ina ferma prestaziun.

Lucerna po suenter a Sion

Cunquai che l'FC Lucerna ha gudagnà cun 3:0 cunter GC han Sion e Lucerna tuttina blers puncts (guarda tabella). Sion resta sin posiziun quatter perquai che la squadra ha ina meglra differenza da gols (+3) che Lucerna (+2). Il cumbat per ina plazza per la qualificaziun per l'Europa League resta pia tendì.

Super League

rangclubgieus
differenza da gols
puncts
1.
Basilea
34
85:3580
2.YB3473:4466
3.Lucerna3453:4750
4.GC3464:5649
5.Sion3448:4548
6.
Thun3445:5140
7.Son Gagl
3440:5938
8.Vaduz3443:5735
9.Lugano3443:7531
10.
Turitg3443:6830

RR novitads 22:00