A San Murrezan hai per l'emprima giada dapi set onns puspè dà ina plazza da podest svizra en il bob da dus tar las dunnas. Melanie Hasler da l'Argovia e sia stumpladra Irina Strebel èn vegnidas terzas en la cursa da la cuppa mundiala. Quai cun in retard da 19 tschientavels sin las Tudestgas Stephanie Schneider ed Elana Meyers-Taylor ch'han gudagnà la cursa.
Vogt e Friedli solid en il bob a quatter
Ils umens n'han a San Murezzi en il bob a quatter betg pudì persvader sco las dunnas. Ils teams da Michael Vogt e Simon Friedli han cuntanschì ils 7avel respectiv il 8avel plaz. Gudagnà la cursa ha Francesco Friedrich da la Germania avant Benjamin Maier da l'Austria e Justin Kripps dal Canada.