Discletg per Nöldi Forrer
Discletg ha l’anteriur retg da la lutga e matador local Nöldi Forrer gì. Forrer avess gì la schanza da gudagnar questa dumengia ses 136avel tschupè e d’egualisar uschia il record da Hans-Peter Pellet. Mo gia en l’emprim cumbat cunter Christian Stucki è Forrer sa blessà vi da la spatla ed ha stuì dar si.
Forrer sto pia spetgar fin l’onn che vegn d’egualisar u da schizunt megliurar il record da 136 tschupels. Il retg da la lutga da l’onn 2001 ha gia annunzià da prolungar sia carriera almain fin la festa federala 2016 ad Estavayer-le-Lac.
RR sportissimo 17:00