Siglir tar il cuntegn

Header

cuntegn

Naziunal/Internaziunal Broncos danovamain en il Swiss Bowl

Ils Calanda Broncos, l’equipa grischuna d’American Football, han cuntanschì per la 9avla giada en seria il Swiss Bowl, il uschenumnà final d’American Football en Svizra. Ils Broncos han gudagnà a Cuira il mezfinal dals playoffs encunter ils Winterthur Warriors cun 52:21.

Malgrà ina gala offensiva dals Calanda Broncos avant bun 550 aspectaturs è il gieu encunter Winterthur i a fin cun in schoc. Curt avant la fin è Jamal Clay, in dals dus Americans en il cader dals Broncos, sa blessà ed ha stuì vegnir transportà giu dal plaz.

En il Swiss Bowl da sonda ils 9 da fanader 2016 cumbattan ils Calanda Broncos en il final encunter il victur dal duel tranter ils Berna Grizzlies es ils Basilea Gladiators. En quest final vala l’equipa grischuna sco il favurit. Ils Broncos èn ils defensurs dal titel ed han er dominà la qualificaziun cun 9 victorias en 10 gieus.

RR Sportissimo 12:10

Artitgels legids il pli savens