Il skiunz Sandro Jenal da Samignun ha fatg in plaz da podest tar il campiunadi svizzer sin il Hoch-Ybrig. En il slalom gigant è il Grischun vegnì terz, el è stà var 7 dieschavels pli plaun ch'il nov campiun svizzer Cédric Noger da la Svizra orientala. Sin plaz dus è il victur dal slalom da la sonda, il Vallesan Loic Meillard.
Wendy Holdener è campiunessa svizra
Tar las dunnas è Wendy Holdener stada la pli svelta en il slalom ed uschia daventada campiunessa svizra. Ella ha gì pli ch'ina secunda avantatg sin sias concurrentas. Charlotte Chable dal Vad ha gudagnà argient e Nicole Good dal chantun Son Gagl bronz.
RR novitads 14:00