Siglir tar il cuntegn

Naziunal/Internaziunal Bronz per Kambundji

Al campiunadi mundial en halla Birmingham gudogna Mujinga Kambundji la medaglia da bronz sur 60 meters. Quai èn 7,05 secundas.

Legende: Video La curs sur 60m abspielen. Laufzeit 0:57 Minuten.
Dals 02.03.2018.

Pli spertas che la Bernaisa èn be stadas Murielle Ahouré e Marie-Josée Ta Lou da la Costa d'Ivur.

Kambundji è l'emprima atleta svizra che gudogna ina medaglia en il sprint ad ina concurrenza mundiala. Il record svizzer, ch'ella ha fatg avant stgars duas emnas a Magglingen ha ella manchentà be per dus tschientavels.

Lea Sprunger è disqualifitgada

Betg per las medaglias cumbatta però Lea Sprunger. En ses mezfinal sur 400 meters è ella bain vegnida segunda, ma suenter la cursa disqualifitgada. Sprunger haja bandunà nunlubidamain sia pista. In recurs da la Svizra è vegnì refusà.

RR novitads 06:00