Siglir tar il cuntegn

Header

Navigaziun

Il snowboardist svizzer Pat Burgener sin il podest
Legenda: Pat Burgener ha gudagnà bronz en la concurrenza da halfpipe a Park City. Keystone
cuntegn

Naziunal/Internaziunal Bronz per Pat Burgener en la halfpipe

Ulteriura medaglia per la Svizra als campiunadis mundials a Park City. Grazia al fitg bun segund run fa il snowboardist svizzer il pass sin il podest.

En la qualificaziun aveva Pat Burgener cuntanschì plaz dus. Ed en la concurrenza finala ha il Svizzer da 24 onns mussà in fitg bun segund run, quel ha purtà 91,25 puncts e la medaglia da bronz.

Gudagnà la concurrenza ha l'Australian Scottie James, el daventa per la terza giada en seria campiun mundial. Ses terz run onurescha la giuria cun sensaziunals 97,50 puncts. Argient gudogna il Giapunais Yuto Totsuka.

Scherrer e Podladtchikov cun disfortuna

Iouri Podladtchikov n'ha betg pudì partir perquai ch'el è sa blessà durant il trenament. E Jan Scherrer ha fatg en mintga run grevs sbagls, uschia ch'el è daventà davos. En ses segund run è el stà datiers da mussar ina fitg ferma prestaziun, lura croda el curt avant la fin da la pipe.

Rohrer sisavla tar las dunnas

Verena Rohner, la suletta Svizra en il final, è vegnida 6avla. Gudagnà la concurrenza da las dunnas ha l'Americana Chloe Kim. La campiunessa olimpica da 18 onns ha survegnì per ses emprim run 93,50 puncts. Argient e bronz van a la Chinaisa Xuetong Cai ed a l'Americana Maddie Mastro.

RR novitads 06:00