Siglir tar il cuntegn
cuntegn

Naziunal/Internaziunal Bun 14avel plaz per Elisa Gasparin

En la cursa singula a Pokljuka ha l'Engiadinaisa cuntanschì il plaz 14. Gudagnà la cursa ha la Finlandaisa Kaisa Mäkäräinen

Elisa Gasparin.
Legenda: Elisa Gasparin ha cuntanschì en la cursa singula il bun 14avel plaz. Keystone

Suenter la trumpada en la cursa singula ha la biatleta Elisa Gasparin pudì reagir a Pokljuka en la Slovenia cun plazza 14 en il sprint. La mesauna da las trais soras Gasparin n'ha fatg nagins sbagls cun sajettar e pers passa ina minuta sin la victura, Kaisa Mäkäräinen.

Puncts da la cuppa mundiala hai er dà per Lena Häcki sco 33avla. Susi Meinen sco 74avla ed Aita Gasparin sco 81avla han manchentà cleramain la qualificaziun per la persecuziun da las meglras 60 da questa dumengia.

Gudagnà la cursa ha la Finlandaisa Kaisa Mäkäräinen ch'è restada senza sbagls. Segunda, medemamain senza sbagls, è vegnida la Taliana Dorothea Wierer e terza la Franzosa Justine Braisaz.

RR novitads 16:00