Siglir tar il cuntegn
Inhalt

Naziunal/Internaziunal Bun plaz 5 per staffetta da biatlon da las dunnas svizras

Buna prestaziun en la staffetta da biatlon da las duas soras Elisa e Selina Gasparin, Häcki e Cadurisch ad Oslo.

Elisa Gasparin en acziun durant la cursa ad Oslo.
Legenda: Elisa Gasparin en acziun durant la cursa ad Oslo. Keystone

En la staffetta da 4 giadas 6 kilometers al Holmenkollen ad Oslo han las Svizras egualisà lur meglier resultat. Sco gia il december a Hochfilzen è il quartet Elisa Gasparin, Lena Häcki, Selina Gasparin ed Irene Cadurisch vegnidas 5avlas. Las Svizras eran gia tar la segunda e terza midada sin plaz 5. In mument plitost delicat ha Selina Gasparin passentà cura ch'ella ha stuì rechargiar gist trais giadas e be per pauc evità in punct da chasti. Be Irène Cadurisch ch'è partida sco davosa svizra ha ina giada dapli sajettà spert ed era anc bain ed ha uschia segirà il 5avel plaz. Als gieus olimpics a Pyeongchang eran las svizras vegnidas 6avlas.

Gudagnà la cursa han las Franzosas avant las Tudestgas e las Talianas. Gudagnà la cuppa mundiala han las Tudestgas.

RR novitads 15:00