Umens - 15 km classic
En la cursa da passlung sur 15 km classic ad Otepää en l’Estonia ha Jonas Baumann manchentà ils top ten be knapp. Il Svizzer è daventà 11avel.
Gudagnà la cursa ha il Norvegiais Martin Juhnsrüd Sünbi avant il Finlandais Ivo Niskänen. Terz è Hans Christer Holund era da la Norvegia.
Cursa senza Dario Cologna
Dario Cologna n’è betg stà da la partida en questa cursa. Suenter il trenament per la cursa da dumengia ha el sa sentì mal en la muscla dal ventrigl. Uschia ha Dario Cologna decidì ensemen cun ils trenaders ed ils medis da betg parter a las cursas da dumengia, ina cursa sur 15 kilometers classic. Plinavant mida el il plan: Cologna vegn a turnar en Svizra e betg ad ir direct vinavant en Finlanda.
Dunnas - 10 km classic
La Norvegiaisa Marit Björgen ha gudagnà la cursa sur 10 km ad Otepää en l’Estonia. Quai avant la Svedaisa Charlotte Kalla e la Norvegiaisa Heidi Weng che maina il classament general.
Dal duo svizzer è mo Nadine Fähndrich arrivada en las top 20 – e quai sco 20avla. Nathalie von Siebenthal ha stuì sa cuntentar cun plaz 32.
RR actualitad 14:00 +