Simon Ammann è sgulà duas giadas pli lunsch che 200 meters ed ha uschia dumagnà senza problems la qualificaziun. Ses collega da team Gregor Deschwanden perencunter è anc adina a la tschertga da sia furma. El è sgulà mo 150,5 meters. Cunquai che 5 dals 45 participants èn crudads or, ha Deschwanden tuttina dumagnà la qualificaziun.
Gudagnà quella ha il campiun mundial Anders Fannemel. El è sa tschentà pir suenter 233 meters. Il Norvegiais ha dentant pudì profitar dal vent.
RR novitads 16:00