«Campeón, campeón» - Real Madrid gudogna la Champions League

Suenter avair battì il rival da citad Atletico Madrid cun 5:3 fa Real festa cun ses fans a Madrid.

la squadra en in bus sin la plazza civeles a madrid Bild in Lightbox öffnen.

Legenda da maletgs: «Campeón, campeón» - ils fans da Real festegeschan lur team en la citad da Madrid. Keystone

In sonda saira ha Real Madrid battì il rival da sia citad Atletico Madrid cun 5:3 - quai dentant pir suenter sajettar penalties. Suenter la prolungaziun stevi 1:1.

Anc cun il tschivel final a Milaun èn millis e millis da fans sa mess en viadi a Madrid sin la plazza Cibeles en il center da la citad. Quai è il lieu tradiziunal per festegiar las victorias da Real.

Suenter il sgol enavos en Spagna èn ils giugaders cun campiun mundial Toni Kroos ed il superstar Cristiano Ronaldo sa mess en in bus avert per in cortegi triumfal-real entras Madrid. La ruta previssa è dal stadion da Bernabeu e a la plazza Cibeles.

Cun la victoria da la sonda saira ha Real Madrid gudagnà la Champions League per l’11avla giada.

RR novitads 06:00