Als campiunadis mundials da biatlon ad Antholz en il Tirol dal Sid èn Lena Häcki e Benjamin Weger vegnids 5avels. Lena Häcki ch'è sa reabilitada per sias flaivlas prestaziuns en las cursas singulas, ha surdà da la segunda midada cun mo 3,4 secundas retard sin ils emprims. Benjamin Weger ha dentant stuì chargiar suenter mintgamai duas giadas tant da sajettar en pe sco er en venter. Quai ha bittà la Svizra enavos sin plaz 5.
Gudagnà han ils Norvegias cun Marte Olsbu Røiseland e Johannes Thingnes Bø. Sin plaz 2 èn ils Tudestgs cun Franziska Preuss ed Erik Lesser e sin plaz 3 ils Franzos cun Anais Bescond ed Emilien Jacquelin.
RTR novitads 17:00