Siglir tar il cuntegn

Header

Purtret da Shaqiri durant in gieu.
Legenda: Keystone
cuntegn

Campiunadi europeic Shaqiri resta en la naziunala svizra

Xherdan Shaqiri gioga er en l’avegnir per la squadra naziunala. Quai è il resultat dad in discurs tranter l’attatgader e l'Associaziun svizra da ballape.

Mez settember aveva Shaqiri mancà tar ils dus gieus da quelificaziun per il campiunadi europeic, cunter l'Irlanda ed il Gibraltar. Raschun saja stada la malcuntentientscha dal giugader perquai ch'el è sa blessà durant ils Final four da la UEFA Nations League. Shaqiri ha declerà:

Jau manchentel entras quai la preparaziun per la nova stagiun. Jau hai strusch giugà en la pratica. Sut questas circumstanzas na ma sent jau betg abel da sustegnair la squadra naziunala.
Autur: Xherdan Shaqirigiugader da ballape

Ensemen cun la direcziun da la naziunala svizra haja el perquai decidì da betg participar als gieus e da sa concentrar sin sia equipa per puspè pudair turnar pli svelt sin il livel cun il qual el possia er gidar ses collegas en la squadra naziunala. El haja duvrà questa pausa.

L'inquietezza ch'i ha dà tras quai n'è betg stada intenziunada. Per mai èsi perquai impurtant da sclerir che quai n'ha gì da far nagut cun mes uffizi sco captain.
Autur: Xherdan Shaqirigiugader da ballape

In zic dapli pazienza dovri dentant: Er en ils proxims dus gieus cunter l'Irlanda manca Shaqiri. El è sa blessà l'emna passada l'emna passada en in trenament tar Liverpool vi dal ventrigl. Perquai ha l'attatgader mancà tranter auter er mesemna saira en la partida da la Champions-League cunter Salzburg.

Trenader ha acceptà decisiun gia il settember

Il trenader da la naziunala svizra, Vladimir Petkovic ha acceptà la decisiun da Shaqiri il settember cura ch'el era sa decidì. Per mintgin saja in'autra via buna e sche Shaqiri saja da l'avis ch'ina pausa fetschia bain, lura acceptia el quai. Mintgin haja ina giada vid las battarias.

Video
Petkovic davart Shakiri: «El è sa decidì da far ina pausa»
Or da Sport-Clip dals 02.09.2019.
abspielen

RR novitads 15:00