Siglir tar il cuntegn
cuntegn

Naziunal/Internaziunal Campiunadi mundial ballape 2026 va a «United 2026»

Il campiunadi mundial da ballape dal 2026 vegnan ad esser en ils Stadis Unids, en il Canada ed en il Mexico. Dal congress da la FIFA a Moscau ha la candidatura «United 2026» survegnì dapli vuschs che quella dal Maroc.

preschentaziun sin tribuna
Legenda: Decio de Maria (Mexico) tar la preschentaziun da la candidatura communabla «United 2026» cun gieus en ils Stadis Unids da l'America, il Canada ed il Mexico. Keystone

L'emprima giada ha in campiunadi mundial da ballape lieu en trais stadis il medem mument. Ils Stadis Unids da l'America, il Canada ed il Mexico survegnan il campiunadi mundial 2026. Per questa candidatura èn s'exprimids 134 federaziuns commembras da la FIFA. La candidatura rivalisanta dal Maroc ha cuntanschì 65 vuschs.

Decidì han las federaziuns – betg la FIFA

Suenter las undas grondas ch'i aveva dà tar la surdada dals campiunadis mundials da quest onn a la Russia, ed il 2022 al Katar, n'ha questa giada betg l'executiva da la FIFA decidì, mabain las federaziuns commembras.

Campiunadi mundial XXL

Tar il campiunadi mundial en otg onns è pli grond ch'usità. Dapli teams fan part (da nov 48 squadras), uschia ch'i resulta 80 gieus enstagl dals 64 da fin qua. Da quests han 60 lieu en ils Stadis Unids (cumprais il final), e mintgamai 10 en il Canada ed en il Mexico. En 16 gruppas giogan las squadras per la qualificaziun. 32 squadras cuntanschan lura l'emprima runda da k.o.

RR novitads 14:00