Lai candidescha per il campiunadi mundial da biatlon l’onn 2025 e vul a parti da l'enviern 2022/23 er pudair manar tras concurrenzas da la cuppa mundiala. Il glindesdi ed il mardi ha la Federaziun mundiala da biatlon inspectà ils indrizs en l’arena da Lai.
D’organisar in tal eveniment sco ils campiunadis mundials dal 2025 fiss ina gronda schanza, ha ditg Hippolyt Kempf il directur nordic tar Swiss-Ski, a chaschun da l’inspecziun, envers SRF:
Anc quest atun duai vegnir decis nua ch’il campiunadi mundial dal 2025 duai avair lieu. I fiss l’emprima giada en l’istorgia da la Svizra ch’il campiunadi mundial da biatlon da las dunnas e dals umens fiss en il medem lieu. Surdadas vegnan l'atun er las ulteriuras occurenzas grondas da biatlon dal 2022 fin 2026.
