Al campiunadi mundial da mountainbike a Nvoe Mesto en la Tschechia han ils Svizzers gudagnà la medaglia da bronz. En ina cursa plain tensiun ha il quartet svizzer cun Filippo Colombo, Vital Albin, Sina Frei e Lars Forster pers 37 secundas sin ils victurs ord la Frantscha, ch’han uschia defendì lur titel cun success. Sin il segund plaz suondan ils mountainbikers da la Tschechia.
4 medaglias aifer 2 dis
Per la Svizra è quai gia la quarta medaglia il segund di dal campiunadi. La mesemna han las dunnas svizras gudagnà en la disciplina betg olimpica «Eliminator» gist tuttas 3 medaglias. La defensura dal titel, Linda Indergand ha gudagnà avant Kathrin Stirnemann e Ramona Forchini.
RR novitads 21:00