Siglir tar il cuntegn

Header

cuntegn

Naziunal/Internaziunal Campiunadi mundial da ballape 2026 cun 48 equipas

Al campiunadi mundial da ballape dal 2026 giogan per l’emprima giada 48 equipas, enstagl da las 32 da fin uss. Quai ha la il Council da la FIFA, la federaziun internaziunala dal ballape decidì unanimamain il mardi.

En l'avegnir vegnan furmadas per la runda preliminara 16 gruppas da 3 equipas. Suenter mintgamai 2 gieus sa qualifitgeschan ils dus megliers da la gruppa per ils 16avels finals. Uschia vegn il dumber da gieus a crescher da 64 sin 80 partidas. Ils campiunadis mundials da ballape 2018 e 2022 han anc lieu cun 32 equipas.

Betg decidì ha il Council da la FIFA co ils 48 plazs per equipas vegnan repartids sin las singulas confederaziuns da ballape. Questa dumonda ch'è brisanta ord vista da la politica da sport duai probablamain vegnir sclerida fin il proxim congress da la FIFA il matg en il Bahrain. L'Europa ha actualmain cun 13 plazs il pli grond contingent. Il president da la FIFA Gianni Infantino aveva empermess cunzunt a l'Africa ed a l'Asia, che dapli equipas possian sa participar als campiunadis mundials.

RR novitads 12:00++

Artitgels legids il pli savens