Siglir tar il cuntegn

Header

Navigaziun

cuntegn

Campiunadi mundial da ballape Defensura dal titel USA destruescha siemi da Franzosas

Per las Franzosas è il siemi da gudagnar il campiunadi mundial da ballape en l'agen pajais ì a fin. En il quartfinal perdan ellas 1:2 cunter las defensuras dal titel dals Stadis Unids.

Omadus gols per las Americanas ha pudì sajettar il topstar Megan Rapinoe davant il public da 49'000 aspectaturas ed aspectaturs en il stadion vendì ora cumplet. Ils Stadis Undis fruntan uss en il mezfinal sin Engalterra.

Purtret da Megan Rapinoe cun la bratscha en l'aria.
Legenda: Megan Rapinoe festivescha ses segund gol da la partida cunter las Franzosas. Keystone

Rapinoe betg da franar

Rapinoe ha sajettà l'emprim gol gia suenter 5 minutas. En la 65avla minuta ha ella lura anc pudì engrondir l'avantatg sin 2:0. Rapinoe ha gia sajettà dus gols en l'otgavel final cunter la Spagna (2:1). Dapli che in gol n'han las Franzosas betg dumagnà en porta. Sulet Wendie Renard ha pudì scursanir l'avantatg sin il 1:2.

Chaud ed intensiv

Tar 30°C han las duas equipas dà in duel intensiv. La Frantscha ha parì in zic malsegira suenter che las Americanas èn idas en avantatg uschè svelt, en l'offensiva ha mancà la precisiun. Plinavant n'ha la deffensiva americana, agressiva betg laschà tras insatgi. Suenter la pausa han las Franzosas dentant chattà lur tempo. Ma tanschì n'hai betg.

RR novitads 06:00