Siglir tar il cuntegn

Naziunal/Internaziunal Campiunadi mundial da ski alpin 2021 a Cortina d'Ampezzo

Da ses congress a Cancun en il Mexico ha la Federaziun internaziunala da skis FIS fixà divers lieus d’occurrenza. Il campiunadi mundial da ski alpin turna suenter 65 onns enavos en las Dolomitas: Il 2021 è il campiunadi a Cortina d’Ampezzo en l’Italia.

Muntognas a Cortina d'Ampezzo.
Legenda: Ina culissa impressiunanta spetga a Cortina d'Ampezzo. Keystone

Cortina d’Ampezzo aveva gia quatter giadas fatg naufragi cun sia candidatura. Uss èsi gartegià per l'onn 2021.

Il campiunadi da ski nordic è il medem onn ad Oberstdorf en la Germania e quel da snowboard a Zhangjjakou en China. Per Oberstdorf èsi la terza giada suenter il 1987 ed il 2005.

Ils proxims dus campiunadis mundials da ski alpin èn a San Murezzan (2017) ed ad Are en la Svezia (2019). Il 2020 è il campiunadi mundial da sgol cun skis a Planica en la Slovenia.

RR novitads 11:00