Ils juniors svizzers da hockey gudognan era lur davos gieu da la prerunda – al campiunadi mundial da hockey U20 en la Tschechia. Tar il 5:2 cunter la Finlanda, il defensur dal titel – mussan ils Svizzers ina buna prestaziun.
Al cumenzament dal segund terz volvan ils juniors svizzers grazia a gols da Fabian Berri (21.) e Gaetan Jobin (23.) – aifer 119 secundas in 0:1 en in 2:1. Suenter ch’ils Finlandais vegnan d’egualisar èsi puspè Berri che fa il 3:2, la finala il gol decisiv da la partida.
Per marcar ils tschintg gols cunter la Finlanda, han ils juniors svizzers sulet duvrà 22 sajets. E cun il resultat final da 5:2 arrivan ils Svizzers sin rang 2 da la gruppa A.
La gievgia cunter la Russia
L’adversari en il quartfinal da la gievgia da mezdi èn ils Russ. Quels han finì la prerunda cun mintgamai duas victorias e duas terradas.
Tut ils quartfinals dal campiunadi mundial U20
| Svizra – Russia |
| Svezia – Tschechia |
| Canada – Slovachia |
| USA – Finlanda |
RTR actualitad 06:00