Las Svizras han manà il gieu a partir da l'entschatta e n'han laschà a las Lettonas nagina schanza. Isabelle Gerig ha fatg tranter la terza e la otgavla minuta ina tripletta. Gia suenter bunamain 15 minutas era il gieu quasi decis: Lura manavan las Svizras cun 5:0. Julia Suter ha fatg u assistì a tschintg gols.
Mezfinal cunter Tschechia u Pologna
La sonda fruntan las Svizras cartaivlamain sin las Tscheccas. Lezzas valan en il quartfinal cunter la Pologna cler sco favuritas.
RTR novitads 21:00